രൺവീർ സിങ്ങിനെ നായകനാക്കി ആദിത്യ ധർ സംവിധാനം ചെയ്ത 'ധുരന്ദർ 2 ' തിയേറ്ററുകളിൽ ഗംഭീര പ്രദർശനം തുടരുകയാണ്. ആഗോള ബോക്സ് ഓഫീസിൽ നിന്ന് 1783 കോടിയാണ് സിനിമയുടെ കളക്ഷൻ. ഇന്ത്യയിൽ നിന്ന് 1,360 കോടിയും ഓവർസീസിൽ നിന്ന് 423 കോടിയുമാണ് സിനിമയുടെ നേട്ടം. കേരളത്തിലും വലിയ കളക്ഷൻ ആണ് സിനിമ സ്വന്തമാക്കിയത്.
19 കോടി ആണ് ധുരന്ദർ 2 കേരളത്തിൽ നിന്ന് നേടിയത്. ഒരു ബോളിവുഡ് ചിത്രം കേരളത്തിൽ നിന്ന് നേടുന്ന ഏറ്റവും ഉയർന്ന കളക്ഷൻ ആണിത്. ചിത്രത്തിന്റെ ആദ്യ ഭാഗവും 1000 കോടി പിന്നിട്ടിരുന്നു. ഇതോടെ ബോളിവുഡ് സൂപ്പര് താരം ഷാരൂഖ് ഖാന് ശേഷം ബോക്സ് ഓഫീസില് തുര്ച്ചയായി 1000 കോടി നേടുന്ന നടന് എന്ന നേട്ടമാണ് രൺവീർ സ്വന്തമാക്കിയിരിക്കുന്നത്. തുടര്ച്ചയായി രണ്ട് സിനിമകള്ക്ക് 1000 കോടി എന്ന റെക്കോഡില് ഇനി രണ്വീറിന്റെ പേരും ഉണ്ട്. ഈ റെക്കോർഡ് നേരത്തെ ഷാരൂഖ് ഖാന് മാത്രമായിരുന്നു സ്വന്തം.
A clear Dhu…ran…dhar domination over the world! 💪🔥Day-wise break-up | IndiaWeek 1: ₹690 Cr* Week 2: ₹271 Cr* Week 3: 120 Cr* DAY 23: ₹8 Cr* DAY 24: ₹14 Cr* DAY 25: ₹15 Cr* DAY 26: ₹5.5 Cr* DAY 27: ₹7.5 Cr* DAY 28: ₹4.5 Cr* DAY 29: ₹3.5 Cr* DAY 30: ₹3… pic.twitter.com/IZk1MeouIJ
ജവാൻ, പത്താൻ എന്നീ സിനിമകളിലൂടെ അടുപ്പിച്ച് 1000 കോടി നേടിയിരുന്നു. ബി62 സ്റ്റുഡിയോ നിര്മ്മിച്ച് ജിയോ സ്റ്റുഡിയോ അവതരിപ്പിക്കുന്ന 'ധുരന്ദർ' പ്രതികാരം', ഹിന്ദി, തമിഴ്, തെലുങ്ക്, മലയാളം, കന്നഡ എന്നീ അഞ്ച് ഭാഷകളില് ആണ് ആഗോള റിലീസായി എത്തുന്നത്. ഗുഡി പഡ്വയുടെയും ഉഗാദിയുടെയും അവസരത്തിലും ഈദിന് മുന്നോടിയായും പുറത്തിറങ്ങുന്ന ചിത്രം രചിച്ചതും സംവിധായകന് ആദിത്യ ധര് തന്നെയാണ്. ജ്യോതി ദേശ്പാണ്ഡെയും ലോകേഷ് ധറും ആദിത്യ ധറും ചേര്ന്നാണ് ഈ മെഗാ മാസ്സ് ആക്ഷന് സ്പൈ ത്രില്ലര് നിര്മ്മിച്ചിരിക്കുന്നത്.
Content Highlights: Ranveer singh Dhurandhar 2 creates new record at the worldwide box office